Wm da skis 2017

Skis a St.Murezi

Igl ei puspei aschi lunsch, la wm da skis ha puspei entschiet. La WM da skis ei ina attracziun che ha liug mintga 2. onn en in auter liug. Quest onn, il 2017, ha ella liug a St.Murezi. Quei ei naturalmein per nus Svizers ina gronda honur che nus savein ir a mirar quei aschi datier da nus.
Schon per la 5. avla ga ha quella attracziun liug a St. Murezi, denton mintga ga eis ei enzatgei auter, cunquei che ei dat adina novas attracziuns che s’audan vitier. Entuorn 600 differents atlets ed atletas da 70 differentas tiaras cumbattan en questas 6 disciplinas in encunter l’auter: Super G, slalom, slalom gigantic, partenza e super cumbinaziun. Tiaras che s’audan quest onn tier la WM ein per exempel: Belgia, Australia, Spania, Argentinia ed aunc bia autras. La gronda finamira da tut quels atlets e da tut quellas atletas ei da gudignar ina medaglia d’aur, bronza ni argien.Vegnir sin il 4. plaz ni aunc mender ei ina gronda delusiun, denton els emprovan naturalmein adina da dar tut quei che els pon.

Ina gronda attracziun

Mintgina da questats concurrenzas da skis digl onn 2017 han liug sin il Hausberg Corviglia a St. Murezi. Questa pista ei bunamein 3 km liunga.
Il pli grond „highlight“ da quellas concurrenzas da skis ei igl aschi numnau „Freier Fall“. Tier questa pista va ei all’entschatta 150 meters vertical engiu nua ch‘ igl atlet ni l’atleta ha il sentiment dalla curdada libra. Vegnida baghegiada ei questa pista per la wmda skis digl onn 2003.
L’idea da far questa pista ei vegnida da Bernhard Russi. Era el era in fetg renomau e bien skiunz dalla Svizra. Da baghegiar quei project ha custau entuorn 4 milliuns francs. La partenza sesanfla 2836 meters sur mar.
Ei dat denton buca mo cuorsas da skis, ei dat numnadamein era autras attracziuns sco per exempel la show dils aviuns per il team dils Svizers ed ei dat mintga di differents dj’s che fan buna musica per la glieud.
La sera suenter las cuorsas eis ei adina las rangaziuns ed ei vegn giubilau per ils megliers ni las meglieras dil di.
Ei fa veramein grond senn da vegnir a mirar questas bialas attracziuns.