Moda dad ozildi e pli bauld

Moda oz e pli bauld

La moda da nus. Mintgin ha oz siu agen style. Mintgin va entuorn auter. Denton dat ei era da quels che ein en gruppas e setrain en medem. Giuvnas dil marcau ni era giuvens ein savens setratgs en auter che nus dils vitgs. Las mattatschas van entuorn cun ina tastga enta maun, quei che biaras da nus fan buca. Nus vein enstagl ina tastga in pign sacados. Tier il buobs vesan ins ei che els van entuorn vun cap e rintgas, cadeinas e different plunder entuorn il tgierp. Nos buobs han buca en rintgas ni cadeinas, dano forsa la cadeina da creisma.
Pli bauld eis ei vegniu scret avon, tgei che ins duess ni sto trer en. Las mattatschas ina rassa ed ils buobs ina camischa cun caultschas. Las camischas ni caultschas han il bia aunc miers, perquei che ei era teila malemperneivla.

Ina uniforma schess ins oz. Ina uniforma ei tenor miu meini gnanc ina schliata idea.
Mirei, nus stein mintga damaun si studegein adina: Tgei duess jeu oz trer en?
Cun ina uniforma havess ins buca tals problems.
Ins spargnass forsa schizun raps cun quei.
Ins spargna da cumprar resti, perquei che ins ha l’uniforma e sto buca mirar che ins fa part al trend da moda.

Massada raps per ina rassa

La moda da nus ei era pli cara. Sco exempel: La pli cara rassa dil mund che ei vegnida fatga da Debbie Wingham cuosta 4,4 miliuns euros, perquei che la rassa ha si diamants cun 5 carats. La rassa peisa persuenter 13 kg. Ella ha l’entschatta vendiu sias caussas sin marcaus e pli tard ha ella aviert ina stizun el marcau. Debbie ha denton mai fatg in studi da moda. Ella ha era aunc fatg autras caras caussas sco desous ni bikinis.

Pli bauld vegnevan certas famiglias buca da pagar a tut ses affons l’uniforma da scola e lu stuevan ils affons star a casa e gidar en casa. Aschia savevan els denton empremder nuot e sesviluppaven buca vinavon.
In’uniforma da scola cuosta ca. denter 100-500 francs ed asch’ina sempla rassa che ins trai forsa en 1 gada cuosta 4,4 mio. euros.
Ils promis astgan gie buca trer en la medema rassa 2 gadas, quei fuss in scandal. Tier mintga event sto ei haver ina nova rassa che va a prau cun il trend. Il bia emprovan ils stars denton da haver la pli gronda e pli imposanta rassa da la sera.
Ils schurnalists scrivan ina schliata critica sur dil star, che el ha buca avunda raps da cumprar ina nova rassa ni dress ni che el ni ella penda memia fetg vid da quei outfit.
Jeu sundel leda dad esser naschida en mia famiglia sco che jeu sun e sun buca carschida si cun miliuns francs.