Laax OPEN 2017

Sco mintga onn eis ei era quest onn puspei il Laax Open a Laax Murschetg. Il Laax Open ei ina gronda attracziun per freestylers ed era glieud che va bugen cun aissa ni cun skis. Tier questa attracziun vegnan differents freestylers che van cun aissa ensemen per mussar tgei ch’els san.
Tier pliras concurrenzas dad aissa che cuozan 6 dis sin il Crap Sogn Gion (2’216 M.S.M) atras ina dallas pli grondas halfpipes dil mund vegnan plirs freestylers sco per exempel Pat Burgener ni era Jamie Anderson a mussar a nus Grischuners co che ins va endretg cun aissa.
Tier quellas concurrenzas s’audan: Il Slopestyle, tier il Slopestyle ston ils snöbers ir atras differentas staffettas sco per exempel siglir sin kickers. Era la halfpipe s’auda tier ina da quellas concurrenzas. Tier quella part ston ils snöbers ir sur la halfpipe ora e far en quei temps differents tricks. Naturalmein dat ei all’entschatta da quella attracziun era in trenament per la halfpipe e per il slopestyle che ils snöbers san sepreparar sin tut ed era leu san ins naven da giuven tochen vegl vegnir a mirar tier.
Suenter il trenament dat ei tier il slopestyle e tier la halfpipe ina qualificaziun nua che ei vegn mirau, tgi che sa sequalificar per il final. Il final ei il pli impurtont dall’entira attracziun. Tier il final mussan ils snöbers aunc per la davosa ga tgei ch’els san. Era tier ils finals ei mintgin cordialmein envidaus dad ir live sil Crap Sogn Gion a mirar questa concurrenza ni che ins sa era mirar a casa en televisiun.

Denton quei ei aunc buc tut. Ei dat buc mo il di ora attracziuns, ei dat era la sera pliras attracziuns. La sera naven dallas 18:00 uras tochen las 22:00 uras dat ei differentas bands e differents cantadurs sco per exempel Pat Burgener, Damian Lynn ni era Manillio che contan live. Quels concerts han il bia liug u el Riders Palace ni sin la plazza da serimnar da skis.
Da vegnir a mirar quellas attracziuns renda ei veramein bia per giuvens e vegls.

Annina Casutt