Fiutscher

Sco mintga secund onn dat ei a Cuera il Fiutscher ch’ils giuvenils san ir a mirar sur 140 differents mistregns en 2 differents hallas. Quei onn era ei naven dils 9.11 – 13.11.2016. En quels 4 dis vevan els entuorn 13’000 visitaders e visitadras che ein vegni a mirar l’exposiziun dils differents mistregns. La dumengia, ils 13.11.2016, sundel era jeu ida a mirar co ch’il Fiutscher ei baghegiaus si quei onn ella halla da marcau a Cuera. Jeu sundel ida a visitar 10 differentas fatschentas che han raquintau a mi differentas ed intressantas caussas sur dil Fiutscher. Naven da Somedia e RTR tochen la sanadad, securitas e ÖKK, Ems- Chemie, coiffeur ed economia da casa haiel jeu fatg ina cuorta tochen ina liunga viseta. Buca mo las differentas fatschentas vai jeu dumandau, mobein era ils visitaders che han visitau cun lur affons il Fiutscher.

Intervestas cun las fatschentas

Co eisi dad esser el Fiutscher? Igl ei interessant, ins vegn ad enconuscher bia giuvens. Cool, igl ei ina nova experientscha dad esser sco expositur e buca sco scolar. Ei dat biars carstgauns che ein fetg interessai.

Manegieis Vus ch’il Fiutscher gida la giuventetgna? Gie, en tutta cass, perquei ch’ei dat bia differents mistregns ch’ins sa ir a visitar. Ins ha era la caschun da tschintschar directamein inagada cun in che ei egl emprendissadi.

Tgei fermezias ston ins haver tier Vies mistregn? Quei ei naturalmein tier mintga mistregn auter. Ins sto esser aviarts, saver romontsch, tudestg ed engles, haver bugen il contact cun carstgauns, saver luvrar en in team ed esser interessaus.

Con ditg va igl emprendissadi? Il bia eisi 3 ni 4 onns, mo ei dat era la EBA e lez fuss mo 2 onns. Informaticher: 4 onns, commerzianta: 3 onns, mediamaticher: 4 onns, polygraf: 4 onns, FaBe e FaGe: 3 onns.

Tgei porta il Fiutscher a Vus sco fatschenta? Nus savein mussar aschia ch’ins sa è far tier nus emprendissadis. Far reclama, mussar tgi che nus essan e tgei che nus fagein.

Tgei lungatgs ston ins saver egl emprendissadi? Quei ei naturalmein tier mintga mistregn auter. Il bia ston ins saver tudestg ed engles e tier nus aunc mintgaton romontsch.

Ston ins esser buns en scola? Secundara fuss super, denton reala mass era.

Dat ei biars che lessen vegnir quei? Ei dependa, perquei che ins sto saver romontsch, ei dat bia auters mistregns. Ei dat denton era mistregns che ein propi dumandai e certs mistregns buca aschia.

Tgei vegn dumandau il pli bia? Co ch’ins daventa journalist! Sche nus vein emprendissadis! Tgei premissas ch’ins sto haver! Ils avantatgs ed ils disavantatgs!

Scolaviva Laax tier il Fiutscher

Ils visitaders han quitau il Fiutscher fetg bien per la giuventetgna dad oz, els quetan che quei seigi ina fetg buna caussa. Ins vesa en 2 differentas hallas buns mistregns e sa era, tgei ch’ins stuess lu far egl emprendissadi.
Era l‘ emprema e la secunda superiura dalla Scolaviva da Laax, Falera, Sagogn e Schluein han visitau il Fiutscher. Ins ha sentiu che l‘ emprema superiura sa aunc buca propi, tgei ch’els lessen vegnir, la secunda ha denton schon in pèr plans per lur futur. Jeu vai priu la caschun e dumandau in pèr caussas sur dil Fiutscher!

Intervesta cun ils scolars dalla 1 e 2 superiura

1. Superiura

Co veis vus quitau il Fiutscher?

Fetg bien= 10

bien= 18

Ei va= 1

Saveva il Fiutscher gidar vus?

Gie fetg= 3

gie= 21

ei va= 5

2. Superiura

Co haveis vus quintau il Fiutscher?

Fetg bien= 6

bien= 13

ei va= 7

Saveva il Fiutscher gidar vus?

Gie fetg= 1

gie= 10

ei va= 7

Ils meinis

Ei deva bia differents meinis da quei di interessant, in pèr han qintau ei meglier che tschels!

Positiv: Mirar massa mistregns, emprender d’enconuscher novs mistregns, ei era interessant, ins saveva emprender enzatgei dils mistregns, empriu co ch’ins luvrass, biaras intressantas professiuns, mai lungurus.

Negativ: bia glieud, dad ault, la marenda era buca aschi buna, buca tuttas fatschentas han mussau aschi bia, alla fin eisi vegniu lungurus, memia paucas professiuns socialas, ei era cauld en leu.

Ins ha era viu che ils mistregns ein ualti differents denter las mattatschas ed ils buobs. Las mattatschas van plitost encunter il social ed ils buobs plitost encunter il baghetg ni zatgei cun computers.

Engraziament alla 1 e 2 superiura per las rispostas e grazia fetg allas differentas fatschentas el Fiutscher che eran promts da dar risposta a differentas damondas. Grazia fetg.

Text: Linda Derungs