Art on Ice

Il viadi da dus patinunzs

Art on Ice ei ina show che plai a vegls, gronds, giuvens e pigns.
Igl ei ina show sil glatsch sin patinas e sin tribuna vid saltar. Ei ha gronds stars che saultan en quella show. Biars da quels han gudignau medaglias, naven dad aur tochen bronz tier l’olimpiada, a campiunadis mundials ed europeics.
Sco per exempel ils dus stars da nossa naziun, Stéphane Lambiel e Sarah Meier.
Stéphane Lambiel ei naschius ils 2 d’avrel 1985 a Martigny, Svizra. El entscheiva dad ir cun patinas en giuvens onns. Egl onn 1998 e 1999 vegn el (Schweizer Juniorenmeister).
Cura che el va egl onn 2006 tier ils giugs olimpics, gudogna el argien. Egl onn 2005-2007 va el tier il campiunadi mundial per 2 gadas aur ed 1 gada per argien. Egl onn 2006-2010 va el tier il campiunadi europeic per 3 gadas argien.
Ussa eis el denton seretratgs e pren buca pli part a concurenzas.
El ei ussa ina part dalla show Art on Ice.

Sarah Meier ei naschida ils 4 da matg 1984 a Bülach, Svizra.
Ella ha gudignau 2007 a Warschau ina medaglia d’argien sco era 2008 a Zagreb. A Bern eis ella 2011, cun aspectaturs da casa, ida per aur tier il campiunadi europeic. Ussa fa ella denton neginas concurrenzas pli ed ei sco Stéphane Lambiel ina part dalla show. Sarah Meier ei separticipada uonn la davosa gada. Ella ha giu detg ch’ella saulti ina davosa gada per la show, mo sche James Morrison conti tier la choreografia dad ella.

La show

Art on Ice ei ina show che va naven da fiug tier glatsch. Igl ei ina show che va naven da cumedia tier seriusadad. En emprema lingia va ei denton da far plascher als aspectaturs. La gruppa mussa als aspectaturs choreografias nua che ins capescha buca co che il tgierp sa realisar aschia enzatgei.
Ella ei adina en acziun, ins survegn buca in mument lungurus.
Mintga onn vegn ei mussau enzatgei niev. Live bands dat ei era. Uonn eran il cantadur James Morrison e la cantadura Chaka Khan sin tribuna. Ei era ina grondiusa show. El stadion da halla a Turitg deva ei biars aspectaturs e si Tavau vegn ei era a dar biars. Suenter 1 jamna saltar sil glatsch a Turitg va la gruppa vinavon si Tavau.
Mirar tgei che la gruppa Art on Ice porscha a nus aspectaturs ils proxims onns.
La show ei unica ed ils raps che vegnan dai ora per ils bigliets dalla show rendan totalmein.

(Fontauna dallas fotis: Vanessa Panier)