Musica da tscheiver

Sut musica da tscheiver capin nus musica da flad, quella vegn sunada savens en ina pintga stanza tier tscheiver. Sper ils instruments da stuors sco trumbettas, tuba e posauna sco era la percussiun anfl’ins ozildi era aunc auters instruments che han era in bi tun. Il bia ves’ins aunc ils instruments sco per exempel ils „steeldrums“, cornamusas, pintgas flautas, clarinettas, saxophons e sousaphons e naturalmein aunc bia auters instruments.
L’emprema gada vegneva quei usit da tscheiver duvraus el 16. avel tschentaner. Lura mavan ins tier ils carnavals da tscheiver cun sgaras, sadialas da stuors, schumbers ni zenns dallas vaccas. La musica stueva esser schrega, dad ault e lamentabla. Da quei temps schon vevan els en mascras e costums da tscheiver, per exempel vevan els en bategls e vegls stratgs. Bia fantasia prendev’ins per far il costum e far tema als spérts.
Ei setracta d’ina musica sunada schrega. Ils musicants han en il bia in costum da tscheiver ed ein era il bia mascrai. Egl onn 1874 marschava l’emprema gada ina musica da flad al „Morgestraich“ a Basel. Silsuenter eisi vegniu protestau encunter quei fetg dad ault. 10 onns pli tard ei la musica da tscheiver denton vegnida lubida dalla polizia. L’idea dalla ,,Guggenmusik“ ei per l’emprema gada vegnida neunavon tier il tscheiver a Basel egl on 1906. Avon saveva aunc negin tgei che musica da tscheiver ei exact, denton ozildi ei quei bunamein normal ch’ei ha musica da tscheiver tier in til da tscheiver.

Fontauna: musica da tscheiver a Basel 2017
Text: Linda Derungs