Musica giuvenila Aspermont Sagogn (MGAS)

Entschiet ha tut igl onn 1994 cun la fundaziun dalla MGAS, che nus savein engraziar alla Uniun da musica Sagogn (UMS). L’emprema dirigenta dalla MGAS era Michaela Cavelti-Lombris. Naven digl onn 2009 ei la musica stada sut la bitgetta da Michael Cadruvi. Duront igl onn fagein nus buca mo musica, nus fagein era camps las fins d’jamna e mein a sunar enzanua, ni mein a magliar tscheina ina sera e dein aunc giugs, adina puspei in niev divertiment. Naturalmein ein en quei temps era dapli commembers vegni el‘ Uniun da musica Sagogn, perquei che bunamein mintgin che suna ella MGAS suna era ella UMS.
19 musicants ella vegliadetgna denter 10 e 32 onns formeschan oz nossa musica giuvenila Aspermont Sagogn. La MGAS exista ord 1 dirigent, 8 cornets, 1 tgiern en es, 1 bariton, 2 euphoniums, 2 posaunas, 2 es-bass e 2 che sunan percussiun. Naven digl onn 2011 vesa la mondura ora: ina camischa nera cun si nies logo dalla MGAS cun ina cravatta oranscha, caultschas neras, soccas neras e calzers ners. Avon havevan els in pullover alv/tgietschen.
Egl onn 2015-2016 havein nus astgau sunar tier 4 concerts, numnadamein ils 19-12-2015 tier la fiasta da giubileum da 25 onns musica giuvenila Lumnezia, ils 12-03-2016 havein nus ensemen cun la UMS giu la producziun alla sera hillarica da catschadurs secziun Vorab, ils 16-04-2016 havein nus giu nies concert annual ed ils 23-04-2016 havein nus astgau sunar tier la Agrischa a Glion. La stad 2017 vegnin nus ad entscheiver cun nossa emprova, ussa denton havein nus pausa. Mintg’onn ha la musica astgau presentar in bi concert.

Ils musicants e las musicantas dalla MGAS 2015/2016:

Davon seniester a dretg: Samuel Bislin (Repiano), Julian Holdener (2.cornet), Robin Holdener (2.cornet), Leonie Halser (3.cornet), Patric Caderas (3.cornet)

La retscha miez seniester a dretg: Linda Derungs (euphonium), Lara Vincenz (solo cornet), Rilana Cadruvi (solo cornet), Giuanna Beeli (principal cornet), Janic Camathias (solo tgiern en es), Fadri Beeli (es-bass), Eric Derungs (percussiun)

Davos seniester a dretg: Rafael Lombris (es-bass), Matthias Lombris (posauna), Roni Caminada (bariton), Adrian Degonda (euphonium), Serafin Cadruvi (bass-posauna), Janic Vincenz (percussiun), Michael Cadruvi (dirigent)
Fontauna: mgasagogn.ch
Text: Linda Derungs